Справка
Әҙәби телдә Алла тип алынамы, Аллаһ типме?
Ике форма ла берҙәй файҙаланыла. Аллаһ һүҙе күбеһенсә дини характерҙағы текстарҙа ҡулланылыусан.
Ҡағиҙәгә ярашлы, бергә яҙылған ҡушма һүҙҙәр үҙ-ара түбәндәгесә ялғана: икенсе өлөшө айырым йөрөгәндә е хәрефе менән башлап яҙылған булһа, ҡушма һүҙ эсендә дөйөм ҡағиҙәгә буйһоноп, йе итеп яҙыла: Аҡйегет, Гөлйемеш, Баййегет, Меңйетәр. Һорау: был ҡағиҙә анти + есем һүҙҙәренә лә ҡағыламы?
Дөрөҫ, ҡағиҙә буйынса был ҡушма һүҙ антийесем тип яҙыла.
Эсер һыу йәки эсәр һыу: ҡайһыһы дөрөҫ?
Һүҙлектәрҙә ике форма ла теркәлгән, шулай ҙа эсәр һыу формаһы киңерәк ҡулланыла.
Тыуған яҡ, ҡайтыр ер, ашар ризыҡ. Ошо уҡ формала тегеү һүҙен нисек ҡулланырға?
Был форма түбәндәгесә ҡулланыла: тегәр еп.
Орфография һүҙлегендә ҡануниәт һүҙен тапманым. Был һүҙ әҙәби телгә ҡараймы?
Ҡануниәт – әҙәби тел һүҙе, “Башҡорт теленең академик һүҙлеге”нең 5-се томында (Өфө, 2013) 197-се битендә бөтә мәғәнәләре менән теркәлгән.
Дуҫымдың әсәйе тип әйтеү дөрөҫмө?
Ике һүҙҙән торған һүҙҙәр бар. Мәҫәлән, мото һүҙе менән яһалғандарын нисек яҙырға? Бөтәһе лә бер төрлө яҙыламы?
Ике йәки бер нисә компонентлы һүҙҙәр ҡушып яҙыла. Был ҡағиҙә мото һүҙенә лә ҡағыла: мотобысҡы, мотовагон, мотоколяска, мотобригада, мотоколонна, мотоклуб, мотокросс, моторалли, мотосана, мотоспорт, мотоуҙыш, мотошлем, мотоэстафета, мотосекция; автомотоклуб, автомотомәктәп, автомотосекция, автомотоуҙышсы һ.б.
Илдең яҙылышы буйынса һорау. Үзбәкестан – Үзбәкстан?
Географик атаманың ҡабул ителгән ҡулланылышы – Үзбәкстан.
Русса Туркменистан. Ошо илдең исеме төрлөсә яҙылып йөрөй: Төркмәнестан, Төрөкмәнестан, Төрөкмәнстан, Төркмәнистан, Төркмәнстан. Ҡайһыһын яҙырға?
Географик атаманың ҡабул ителгән ҡулланылышы – Төрөкмәнстан, ә унда йәшәгән халыҡтың атамаһы – төрөкмәндәр.
Элек Таджикистан тип яҙыла торғайны. Ниңә хәҙер Тажикстан тип яҙалар?
Башҡорт телендә был илдең исемен Тажикстан, ә халыҡтың атамаһын тажиктар тип яҙыу ҡабул ителгән.