Справка
Бланк һүҙе күплектә нисек яҙыла, бланкылармы, әллә бланктармы?
Дөрөҫ яҙылышы: бланкылар. Аҙағы -нк менән бөткән һүҙҙәргә ялғау ҡушҡанда, ике араға -ы- ҡуйып яҙыла.
Баҫынҡы һүҙендә ниндәй хәреф яҙыла: н йәки ң хәрефе?
Был һүҙ н менән яҙыла (см. вопрос № 10).
Календарь һүҙенә ниндәй ялғау ҡушыла? Ҡалын йәки нәҙекме?
Рус теленән үҙләштерелгән һүҙҙәр –рь хәрефтәренә бөтһә, ҡалын ялғау ҡушыла, ь билдәһе төшөп ҡала. Календарь һүҙе лә ошо ҡағиҙәгә тап килә: календарҙа, календарға.
Класташтар һүҙендә нисә с яҙыла ? Хәҙерге заман яҙыуында күберәк ике с менән, классташтар тип яҙалар.
Дөрөҫ яҙылышы: класташтар. Аҙағында бер иш ҡуш тартынҡылар килгән һүҙҙәргә ялғау кушылғанда ҡуш тартынҡыларҙың береһе төшөп ҡала.
Әкиәттән сыҡҡан мәллә
Ап-аҡ сәсле был бабай?
З. Ҡотлогилдинаның шиғырынан алынған был юлда сыҡҡан мәллә һүҙбәйләнеше айырып яҙылған. Орфографияла бындай ҡулланылышҡа ҡағиҙә юҡ, мәллә тигән һүҙ ҙә юҡ. Яңылыш яҙылғанмы?
Ғәмәлдәге орфография ҡағиҙәләре бындай осраҡта сыҡҡанмы әллә формаһын талап итә.
Аяғүрә тип яҙырғамы, аяҡ үрә тиепме. Ҡайһыһы дөрөҫ?
Хәҙерге норматив һүҙлектәрҙә ике форма ла дөрөҫ тип алынған.
Һаумыһығыҙ! Баш түбән йөрөү. Айырыпмы, ҡушыпмы?
Һүҙбәйләнеш дөрөҫ яҙылған. Ҡағиҙәгә ярашлы, ике һүҙҙең һәр береһе үҙ мәғәнәһен һәм ике аралағы мәғәнә мөнәсәбәтен һаҡлаһа, компоненттар айырып яҙыла.
Ғүмер баҡый шулай йәшәһәксе! Ғүмер баҡый һүҙе дөрөҫ яҙылғанмы? Һыҙыҡса аша яҙыламы?
Яҙылыш дөрөҫ, һыҙыҡса кәрәкмәй.
Ярҙам һорайым, белгестәр! Ҡайһы һүҙ дөрөҫ яҙылған: шаңғытты, шаңҡытты?
Әҙәби телдәге формаһы – шаңҡытыу. Шаңғытыу – һөйләү телмәренә ҡараған һүҙ.
Һүҙгә ялғау ҡушылһа, ул нисек яҙыла: ғифриттең – ғифриттың?
Һүҙҙең дөрөҫ яҙылышы: ғифриттең.