Справка
Ҡайһы яҙылыш дөрөҫ була: көноҙон тик ултырыу, көн оҙон тик ултырыу.
Дөрөҫ яҙылышы: көноҙон тик ултырыу.
Кафе һүҙендә ниндәй ялғау яҙыла? Ҡала урамдарында кафеһе, кафеһы тип яҙылған осраҡтар бар. Ҡайһыһы дөрөҫ?
Дөрөҫ яҙылышы: кафеһы, һуҙынҡы, ҡаты тартынҡы йәки -й менән бөткән рус һәм сит тел һүҙҙәренә ҡалын ялғау ҡушыла.
Ҡайһы вариант дөрөҫ тип иҫәпләнелә: бал ҡалаҡ, балҡалаҡ, балғалаҡ?
Дөрөҫ яҙылышы: балғалаҡ.
Бүтәне-бүтән һүҙе дөрөҫ яҙылғанмы? Һыҙыҡса ҡуйырға тейешбеҙме?
Һүҙ дөрөҫ яҙылған. Һыҙыҡса ҡуйыла.
Был һүҙҙәрҙе нисек яҙырға: баш(аяҡ), ҡом(аяҡ), һыңар(аяҡ).
Дөрөҫ яҙылыштары: баш-аяҡ, ҡомаяҡ, һыңар аяҡ.
Әҙәби телдә ҡайһы һүҙҙе ҡулланырға тейешбеҙ: бөләңгерт, болаңғырт?
Әҙәби телдә бөләңгерт һүҙе ҡулланыла. Болаңғыр диалекттарҙа осрай. Уның аҙағында т хәрефе яҙылмай.