Справка
Портфель һүҙенә ниндәй ялғау ҡушыла?
Аҙағы -ль, -нь менән килһә йәки ике тартынҡы менән бөтөп, һуңғыһы йомшаҡ булһа, нәҙек ялғау ҡушыла: портфеле, портфелдә.
Һорау киҫәксәһҽ —мы, -ме айырым йәки ниндәй һүҙгә ҡарай, шуның менән ҡушылып яҙылырға тҽйешме?
-мы, -ме, -мо, -мө һорау киҫәксәһе ҡушылып яҙыла: Ҡарайһыңмы? Килдеңме? Оноттоңмо? Көлдөмө?
Телдә сөскөрөү, сүскереү тип һөйләйбеҙ. Әҙәби телгә ҡайһы варианты алынған?
Әҙәби телдә сөскөрөү һүҙе ҡулланыла.
Тәбиғәт менән һоҡланам тип яҙғандарын күргәнем бар. Менән бәйләүесен ҡулланыу дөрөҫ түгел, тип уйлайым. Һеҙҙән яуап көтәм.
Дөрөҫ яҙылышы: тәбиғәткә һоҡланам.
Бөгөнгө көн тип яҙа ҡайһы бер матбуғат баҫмалары. Дөрөҫмө был? Көн һүҙен ике тапҡыр ҡабатлау була түгелме ни?
Бөгөн һүҙе ике тамырҙан яһалған: был + көн. Шуға күрә бөгөн тип яҙыу дөрөҫ. Көн һүҙе был осраҡта артыҡ.