Справка
Әзербайджан тип яҙыу дөрөҫөрәк булырға тейеш, тип уйлайым.
Әзербайжан – географик атаманың һәм этнонимдың ҡабул ителгән ҡулланылышы.
Бер һорауға асыҡлыҡ кәрәк ине. Бер төр баҫмаларҙа Ҡаҙаҡстан тип яҙыла, икенселәрендә Ҡаҙағстан тип. Дөрөҫ яҙыу ҡағиҙәләре буйынса Ҡаҙаҡстан тип ҡулланылмаймы ни?
Географик атаманың ҡабул ителгән ҡулланылышы – Ҡаҙағстан.
“Тырышҡан ташҡа ҡаҙаҡ ҡаҡҡан”. Был мәҡәл дөрөҫ яҙылғанмы?
Мәғәнә буталсығы барлыҡҡа килмәһен өсөн был осраҡта һыҙыҡ ҡуйыу урынлы: тырышҡан – ташҡа ҡаҙаҡ ҡаҡҡан.
Төрөк халыҡтары тип әйтеү дөрөҫмө, төркиме?
Рус телендәге “тюркские народы” тигән мәғәләнә төрки халыҡтары һүҙбәйләнеше йәки төркиҙәр һүҙе ҡулланыла. Төрөктәр иһә – төрки телле халыҡ, Төркиәнең төп халҡы.
Ихтыяр һүҙенең дөрөҫ яҙылышы нисек, т хәрефенән һуң ниндәй хәреф ы йәки и яҙыламы?
269-сы һорауҙы ҡарағыҙ.
Гөнаһ һүҙенең дөрөҫ яҙылышы нисек? ө йәки о хәрефе менән яҙылған осраҡтар бар.
55-се һорауҙы ҡарағыҙ.
Батынҡы һүҙе нисек яҙыла, н йәки ң хәрефе менәнме?
Дөрөҫ яҙылышы: батынҡы, -н өнөнә бөткән нигеҙҙән -ге / -ғы, -ке/ -ҡы ялғауҙары менән яһалған һүҙ булһа, -н менән яҙыла.
Баш ҡатырғыс һүҙе шулай яҙыламы?
Дөрөҫ, айырым яҙыла, сөнки ике һүҙ ҙә һәр береһе үҙ мәғәнәһен һәм ике аралағы мәғәнә мөнәсәбәтен һаҡлай.
Ауы(н-ң)ҡы?
Дөрөҫ яҙылышы: ауынҡы, -н өнөнә бөткән нигеҙҙән -ге / -ғы, -ке/ -ҡы ялғауҙары менән яһалған һүҙ булһа, -н менән яҙыла.