Справка
Газетала “бөйөк үктәбер” тигән һүҙ осраны. Үктәбер тигән һүҙ ҡулланылған булғанмы?
Үктәбер – йәнле һөйләү телмәрендә ҡулланылған һүҙ, әҙәби телдә октябрь алынған.
1977 йылдың 25 сентяберендә тыуған. Был һөйләмдә сентяберендә тип яҙабыҙмы?
Орфография буйынса, сентябрендә тип яҙыла: сентябрь (ис.) сентябрҙә, сентябргә; сентябре(нә).
Биш бер тыуған. Был теҙмәлә тыуған һүҙе шулай яҙыламы?
Был осраҡта биш бер туған формаһын ҡулланырға кәрәк.
Аръяҡта ла, бирьяҡта ла бер үк арауыҡ тигәнде аңлата. Яҙылыштары ниңә төрлөсә?
Ҡағиҙәгә ярашлы, яҡ өлөшөнән алдағы ижектә ҡалын һуҙынҡы килһә, ъ билдәһе яҙыла, нәҙек килһә, ь билдәһе яҙыла. Шуның өсөн яҙылыш төрлө була.
Ошо һүҙ һәр ваҡыт дөрөҫ яҙылмаған кеүек тойола, һыҙыҡса булырға тейеш: шулай-уҡ.
Шулай уҡ һәр ваҡыт айырым яҙыла.
Ағиҙелкәйҙәрҙең ҡомы баҡыр… Йыр юлы дөрөҫ яҙылмаған, минеңсә?
Хата ҡомо һүҙендә ебәрелгән.