Справка
Хәбәрҙе күп һөйләйһең, эшең ташҡүлсәйем. Ошо һөйләмдә ҡ хәрефенән һуң ниндәй хәреф килә ул: ү? у?
Ташҡа үлсәйем – фразеологик һүҙбәйләнеш, компоненттары айырып яҙыла.
Какое написание считается правильным: баш ҡала или башҡала?
Верен первый вариант: баш ҡала.
Шулай тийеүҙән (йәки тейеүҙән, йәки тиеүҙән) артманы. Ниндәй хәреф яҙырға?
Дөрөҫ яҙылышы: шулай тиеүҙән артманы.
Аяғаҫты һүҙе бармы ул?
Орфография ҡағиҙәләренә ярашлы, әҙәби телдә яҙылышта аяҡ аҫты (аяҡ аҫтынан сығыу, аяҡ аҫтына ҡарау) һүҙбәйләнеше ҡулланыла. Аяғаҫты – әйтелеш формаһы.
Йөҙтүбән килеп төштө тигәндәге йөҙтүбән һүҙенең яҙылышы ҡыҙыҡһындыра.
Ҡағиҙәгә ярашлы, ике һүҙҙең һәр береһе үҙ мәғәнәһен һәм ике аралағы мәғәнә мөнәсәбәтен һаҡлағанда, компоненттар айырып яҙыла: йөҙ түбән.
Бер ике өс ай эшләйем дә китәм. Ошонда һандар араһында нимә ҡуйыу дөрөҫөрәк була, өтөрмө, дефисмы?
Һөйләмдә ике менән өс һандары араһына һыҙыҡса ҡуйыла, бер һүҙе иһә был осраҡта билдәһеҙлекте белдереп килә. Һөйләмдең дөрөҫ яҙылышы: Бер ике-өс ай эшләйем дә китәм.
Какое написание считать правильным: бала итәкле күлдәк или балитәкле күлдәк?
Оба варианта допустимы.
Ҡырҡҡа ярылыр эш мәлендә йәйерәп китеп ултыр әле! Был һөйләмдә хаталар бармы?
Һөйләмдә йәйрәү һүҙе дөрөҫ яҙылмаған. Дөрөҫ яҙылышы: Ҡырҡҡа ярылыр эш мәлендә йәйрәп китеп ултыр әле!
Төрлө баҫмаларҙа иншаалла, иншалла, иншаллаһ, иншаалаһ, Иншә’аллаһ яҙылыштары осрай. Ҡайһы һүҙҙе ҡулланырға кәрәк?
Орфографик һүҙлектә ҡабул ителгән форма – иншалла. Махсус баҫмаларҙа иншаллаһ формаһы ла дөрөҫ һанала.
Һаумыһығыҙ! Шунсама йыл йәшәп. Бындағы шунсама һүҙе дөрөҫмө?
Шунсама һүҙе һөйләү теленә хас. Әҙәби телдә шунса, шул тиклем формалары ҡабул ителгән.