Справка
Туранан тура әйтергә баҙнат итте. Һыҙыҡса кәрәкме ошонда?
Эйе, туранан-тура һыҙыҡса аша яҙыла.
Тәнем семерҙәп китте. Хата бармы ошо һөйләмдә?
Орфография һүҙлегендә семерләү һүҙе бирелә.
Был һүҙҙең яҙылышы ниндәй булырға тейеш? Тән сымбырлай – сымбырҙай – семберләй – семберҙәй – зымбырлай – земберләй – зымбырҙай – земберҙәй... Төрлө яҙылышта осрағаны бар.
Орфография һүҙлегендә зымбырлай менән земберләй формалары теркәлгән.
Шампунь һүҙен нисек үҙгәртергә ул? Шампунды йыуып төшөр?
Дөрөҫ яҙылышы: шампунде йыуып төшөр.
Ошондай һүҙ осрағайны, дөрөҫ түгел кеүек, һыҙыҡса кәрәк түгелме: ул был була ҡалһа?
Дөрөҫ, ул-был була ҡалһа тип яҙылырға тейеш.
Һаумыһығыҙ! Елдә елберҙәй тип дөрөҫ яҙылғанмы?
Ҡылым яһаусы ялғау булараҡ —ла/-лә ҡулланыла, шуның өсөн елберләү ҡылымы дөрөҫ.