Справка
Табип-психотерапевтҡа мөрәжәғәт итеү тип яҙыу дөрөҫмө?
Табип-психотерапевҡа мөрәжәғәт итеү тип яҙылырға тейеш.
Гликоль пилингы (химик пилингтың бер төрө). Ошо дөрөҫ яҙылғанмы ул?
Гликоль пилингыһы (химик пилингының бер төрө) тип яҙыу дөрөҫ булыр ине.
Ошо һүҙ нисек яҙыла ул? Генерациялау – генерациалау.
Дөрөҫ яҙылышы: генерациялау.
Юрған аҫтынан сыҡҡы килмәй. Сыҡҡы йәки сығаһы? Күгәрсен районында “сығаһы” тип яҙыла ул.
Башҡорт әҙәби телендә сыҡҡы килә формаһы ҡулланыла.
Гәзиттә тәнһаҡсы тигән һүҙ осраны, ләкин ул һүҙлектәрҙә табылманы. Бармы бындай һүҙ?
‘Телохранитель’ мәғәнәһендә йәнһаҡсы һүҙе алынған, һүҙлектәрҙә лә шул һүҙ теркәлгән.
Был һүҙ төрлөсә яҙылып йөрөй. Дөрөҫөн әйтегеҙ әле? Фортепьяно – фортепиано.
Башҡорт теленең һүҙлектәрендә фортепьяно формаһы бирелгән. Ләкин фортепиано һүҙе лә хаталы түгел.
Хөкөмсө тигән һүҙ бармы ул? Уны нисек үҙгәртергә? Хөкөмсөһе? Хөкөмсөһө?
Хөкөмсө тигән һүҙ ҡулланыла, үҙгәреше – хөкөмсөһө.
Туҡыу – мамыҡ, йөн туҡыйҙар, ә туғыу – ул болғау, болғатыу, ошолай дөрөҫ булмай мени ул?
“Башҡорт теленең академик һүҙлеге”ндә (Өфө, т. VIII, 2016, 549-сы бит) был ике мәғәнә туҡыу һүҙе менән бирелгән, туғыу һүҙе диалект һүҙе тип билдәләнгән (518-се бит).
Конкурстың жюриһы буламы, конкурстың жюрийымы?
Орфография ҡағиҙәләрендә жюрийы формаһы нығытылған.