Справка
Какой вариант считать правильным: ҡыҙарына бүртенә, ҡыҙарына-бүртенә или ҡыҙарына, бүртенә?
Данное слово, являясь сложным глаголом, образовано путем соположения синонимичных основ. Такие сложные глаголы, компоненты которых имеют одинаковое морфологическое оформление, пишутся через дефис. Следовательно, правильный вариант: ҡыҙарына-бүртенә.
Ата- бабаларыбыҙҙың васиятына тоғро ҡалабыҙ. Был һөйләмдә хата бармы?
Бирелгән һөйләмдә 2 хата күренә. Беренсенән, парлы һүҙ һыҙыҡса (дефис) аша яҙыла: ата-бабалар; текст компьютерҙа йыйылһа, һыҙыҡса бушлыҡтар менән айырылмай. Икенсенән, васыят һүҙендә ы хәрефе яҙыла.
“Торатау конгресс-холы” исемендә конгресс һүҙен ҙур хәрефтән яҙырға кәрәкме?
Юҡ, бәләкәй хәрефтән яҙыла.
“Урал батыр” эпосында шундай юлдар бар:
“Атамдан байлыҡ һорама:
Донъяла һылыу ҡыҙ бирер,
Анһына ла алданма!”
“Башҡорт халыҡ ижады”, 3-сө том, 56-сы бит.
Ошо юлдарҙағы анһына һүҙенең тамыры ниндәй?
Халыҡ телендә, диалекттарҙа ҡулланылған һүҙ ул анһына, тамыры – анһы. Әҙәби телдәге уныһына һүҙенә тап килә.
Нимәнеке? – ҡоролош + (-тыҡы / -тоҡо)?
Башҡорт һүҙҙәрендә сингармонизмдың ирен гармонияһы һүҙҙең аҙағына тиклем һаҡлана: ҡоролоштоҡо.
Аңра һүҙе нисек яҙыла?
Тамыр һүҙ эсендәге асыҡ ишетелмәй торған баҫымһыҙ —о -/-ө -, -ы-/-е— һуҙынҡылары -р- алдына тура килгәндә яҙылмай.
Әтеү тип яҙыу дөрөҫмө, әтү тиепме?
Әтеү варианты — ябай һөйләү телмәре һүҙе, әҙәби телдә юғиһә һүҙен ҡулланыу отошлораҡ.
Ахры — ахыры: ҡайһы һүҙ дөрөҫ яҙылған?
Орфографик һүҙлектә бирелгән яҙылыш — ахыры. Бынан тыш, ахырыһы варианты ла орфографияға ярашлы.
Көнбағыш һүҙендә н йәки м хәрефе яҙыламы?
Һүҙ эсендә йәки аҙағында —н өнөнән һуң -б, -м өндәренең береһе килһә, [н] өнө [м] булып ишетелә, ләкин яҙғанда —н яҙыла.