Справка
Аллы гөллө сәскәләр аҡланы. Аллы гөллө тигәндә өтөр ҡуйыу дөрөҫ
Дөрөҫ яҙылышы: аллы-гөллө.
Нисек дөрөҫ яҙырға: йәиһә йәки йә иһә?
Дөрөҫ яҙылышы: йә иһә. (158-се һорауҙы ҡарағыҙ).
Йөҙ йәшәр ҡарағайҙар тигәндә, йөҙ йәшәр һүҙе ҡушып яҙыламы йәки айырыммы?
Ҡушып яҙыла: йөҙйәшәр.
Ул һеҙҙе күргән дәбаһа! тигәндә —дә ҡушып яҙыламы йәки айырыммы?
Дөрөҫ яҙылышы: күргән дә баһа.
Бинокль һүҙенә ниндәй ялғау ҡушыла, ҡалынмы, нәҙекме?
Һүҙҙең аҙағы -ль менән тамамланғас, нәҙек ялғау ҡушыла: биноклде, биноклдә.
Ҡалын айырыу билдәһе яҙыламы, нәҙеклек билдәһеме: Ҡөръән, Ҡөрьән?
Һүҙҙә нәҙеклек билдәһе яҙыла: Ҡөрьән.
Премия атамалары тырнаҡтар эсенә алынырға тейешме: Шәһит Хоҙайбирҙин исемендәге премия лауреаты, “Шәһит Хоҙайбирҙин исемендәге премия лауреаты”. Ҡайһыһы дөрөҫ тип һанала?
Әгәр ҙә атамалар исемендәге тигән һүҙ менән килһә, тырнаҡ ҡуйылмай: Шәһит Хоҙайбирҙин исемендәге премия лауреаты.