Справка
Намаҙ мосолманға фарыз ғибәҙәт кенә түгел, аллаһына һығынышы, көн-йүн рәүешенә ҡөйлонеше лә ине шикелле. Ғ.Хөсәйенов әҫәренән килтерелгән ошо өҙөктә ҡөйлонеше һүҙе аңлашылмай. Аңларға ярҙам итһәгеҙ ине.
Килтерелгән өҙөк сканер аша үткәрелгән текстан алынып, яңылыш уҡылған, күрәһең. Дөрөҫ варианты: көйләнеше.
Терапевт һүҙен төбәү килешкә ҡуйғанда, һуңғы хәреф төшөп ҡаламы?
Эйе, ҡағиҙәгә ярашлы яҙылышы: терапевҡа.
Как лучше сказать про осведомленность: хәбәрдар или хәбәрҙар?
Правильный вариант: хәбәрҙар.
В текстах встретилось слово хорунжий в разных написаниях. Какое считать правильным?
Ноғоман ҡарт харунья булған. Ж.Кейекбаев.
Үтә тырыш кантондың Ырыҫҡол харунйәнең был баш-баштаҡлығы йәненә тейә. З.Ураҡсин.
Шуның өсөн уға харунжий исеме биргәндәр хатта. Ж.Кейекбаев.
Хорунжийға полк мөлкәтен, ҡорал ҡабул итеү мандаты ла бирелгәйне. Р.Байымов.
Уның һөйләгәндәрен старшина, хорунже, подхорунже, вахмистр, урядник, приказной һәм муллалар ашта, сәйҙә, мәсеттә бөтә халыҡҡа тараттылар. А.Таһиров.
В современной башкирской орфографии принят вариант хорунжий. В исторических, фольклорных текстах может быть использован один из представленных выше вариантов.
Үҙ тауышымдан үҙем тертләп, хыялый халәтемдән айнып киттем (Г.Яҡупованан). Халәтемдән һүҙе дөрөҫ яҙылғанмы?
Һүҙ дөрөҫ яҙылған.
Үҙләштерелгән һүҙҙәрҙең башҡорт теленә килеп инеүе тураһында һорауым. Ошо ҡылым нисек яҙылырға тейеш: хосусилаштырыу – хосусиләштереү?
Дөрөҫ яҙылышы: хосусилаштырыу.
Ике яҙылыш осраны. Ҡайһыһы дөрөҫ була икән: хормейстр йәки хормейстер?
Дөрөҫ яҙылышы: хормейстер.
Яҡуп мине тағы холодильникка яҡын ебәрмәне (Ф. Әсәнов әҫәренән һөйләм). Ошонда холодильникка һүҙе дөрөҫ яҙылғанмы?
Холодильник һүҙенең башҡортса атамаһы – һыуытҡыс.