Справка
Чипсы, юань, пудель һүҙҙәренә эйәлек ялғауын нисек ҡушырға?
Дөрөҫ яҙылыштары: чипсының, юандең, пуделдең.
Нисек дөрөҫ яҙырға: көнелгәре, көн элгәре?
Башҡорт телендә э хәрефе һүҙ уртаһында яҙылмай. Ул тик һүҙ башында ғына килә ала. Һүҙҙең дөрөҫ яҙылышы: көн элгәре.
Ярҙам итегеҙ әле. Томбойоҡло күл, көсөкте ашатты, ҡоромды таҙартыу, ҡороттоң файҙаһы, төлкөнөң хәйләһе. Ошо һүҙбәйләнештәр дөрөҫ яҙылғанмы? Әгәр хаталар бар икән, ҡайһы урындарҙы төҙәтергә кәрәк?
Дөрөҫ яҙылышы: көсөктө ашатты, ҡоромдо таҙартыу. Ҡалғандары дөрөҫ.
Подскажите, пожалуйста, как пишутся парные сочетания приблизительных числительных?
Приблизительные числительные, образованные посредством сочетания двух количественных числительных по восходящей линии, всегда пишутся через дефис, например: биш-алты, йөҙ-йөҙ илле и др.
Ямғыр яуа ла баһа тигәндә ла баһа нисек яҙыла?
Ла баһа раҫлау киҫәксәһенең һәр компоненты айырып яҙыла: Ямғыр яуа ла баһа.
Хәҙерге ҡағиҙә буйынса нисек була: медучилищеға – медучилищегә?
Дөрөҫ яҙылышы: медучилищеға.
Өсөнсөнән Мостай Кәрим үҙ халҡының васиятын үтәүсе бөйөк шәхес. Был һөйләмдә хата бармы?
Бирелгән һөйләмдә 3 хата күренә.
- Беренсенән, икенсенән, өсөнсөнән… тип һанап киткәндә, был һандарҙан һуң өтөр ҡуйыла.
- Ҡағиҙә буйынса, эйә лә, хәбәр ҙә бер үк һүҙ төркөмөнән килһә, улар араһында һыҙыҡ ҡуйыла. Һөйләмдең эйәһе – Мостай Кәрим, хәбәре – шәхес, ике һүҙ ҙә исем һүҙ төркөмөнән килгән. Тимәк, һөйләмдә эйә менән хәбәр араһында һыҙыҡ ҡуйыла.
- Васыят һүҙе ы хәрефе менән яҙыла.
Һөйләмдең дөрөҫ яҙылышы: Өсөнсөнән, Мостай Кәрим – үҙ халҡының васыятын үтәүсе бөйөк шәхес.
Үҙмаҡсат, үҙтәрбиә, үҙүҫеш кеүек һүҙҙәр дөрөҫ яҙылғанмы?
Был һүҙҙәр дөрөҫ яҙылған.