Справка
Түләүҙәрҙең индексацияланыуы тигәндә ялғауҙа я яҙыламы, а хәрефеме?
Һүҙбәйләнеш дөрөҫ яҙылған.
Беҙгә, һәмдә балаларға бына кемдән өлгө алырға кәрәк. Был һөйләмдә ниндәй хата бар?
Дөрөҫ яҙылышы: Беҙгә һәм дә балаларға бына кемдән өлгө алырға кәрәк.
Ҡояш тағыла бейегерәк күтәрелгән тип яҙылған. Яҙыу дөрөҫмө?
Тағы ла һүҙе айырым яҙыла.
Йыш ҡына иҫән һау булһын тип яҙалар. Шул дөрөҫмө?
Дөрөҫ яҙылышы: иҫән-һау булһын.
Как правильнее: ҡабат ҡабат тыңланыҡ или ҡабат, ҡабат тыңланыҡ?
Компоненты подобных повторяющихся слов пишутся через дефис: ҡабат-ҡабат.
Ҡайсаҡ тип яҙыу дөрөҫ буламы?
Ҡай саҡ – һөйләү теленә хас һүҙ. Уның әҙәби телдәге формаһы – ҡайһы саҡ.
Рецепт һүҙен нисек үҙгәртеп була: рецепты, рецепы, рецебы, рецепе?
Рецепт һүҙе түбәндәгесә үҙгәрә: рецепт, рецептың, рецепҡа, рецепты, рецепта, рецептан; рецебы(на).
Һаумыһығыҙ! Яуап бирегеҙ әле, һөйләгәндә гелән мындай ауырлыҡтар тип әйтәбеҙ бит, нейә шулай уҡ яҙмаҫҡа икән уны.
Әҙәби телдә һүҙҙең ҡабул ителгән формаһы – бындай ауырлыҡтар. Мындай һүҙе һөйләү теленә хас.