Справка
Ней һүҙен айырым ҡулланып буламы? Мәҫәлән, ней ғәжәп!
Ғәмәлдәге орфография ҡағиҙәләрендә ни формаһы теркәлгән.
Баштан аяҡ эшкә сумды тип яҙылһа, дөрөҫ буламы?
Дөрөҫ яҙылышы: Баштан-аяҡ эшкә сумды.
Йән фарман сабып китте. Һөйләм дөрөҫ яҙылғанмы?
Дөрөҫ яҙылышы: Йән-фарман сабып китте.
Йән көскә тигәнде нисек яҙырға? Һыҙыҡса ашамы?
Был – нығынған һүҙбәйләнеш, компоненттары айырып яҙыла, һыҙыҡса кәрәкмәй: йән көскә.
Шундай һүҙҙе нисек дөрөҫ яҙырға? Туйҙан һуң дөмбөргә? Туйҙан һуң дөңгөргә?
Был нығынған һүҙбәйләнештең ҡалыплашҡан формаһы түбәндәгесә: туйҙан һуң дөмбөргә.
Юлында яңынан осораны. Һүҙлектә осораны һүҙе табылманы.
Һүҙҙең дөрөҫ яҙылышы: осраны, һүҙлектә осрау ҡылымы теркәлгән.
Интернеттағы баҫмаларҙа танктар тип яҙалар. Ҡағиҙә үҙгәртелгәнме?
Ғәмәлдәге орфография ҡағиҙәләренә ярашлы, танк һүҙе күплектә танкылар формаһында яҙыла.
Боҫорап ултырған самауыр. Бындағы боҫорап һүҙенең яҙылышы аңлашылмай, дөрөҫмө, юҡмы.
Орфография һүҙлегендә боҫрап формаһы теркәлгән.
Күргән, белгән кешем түгел тип яҙыу дөрөҫмө?
Ғәҙәттә, бындай формалар һыҙыҡса аша яҙыла: күргән-белгән кешем түгел.