Справка
Халыҡ телендә әзәлдә, әжәлдә тейҙәр, әҙәбисә нисек әйтергә?
Әҙәби телдә әжәл һүҙе ҡулланыла.
Үҙ кеше булып китте тигәндә нисек яҙабыҙ, айырыммы йәки ҡушыпмы?
Дөрөҫ яҙылышы: үҙ кеше.
Тәү тормош нисек яҙыла, айырыммы йәки ҡушылыпмы?
Дөрөҫ яҙылышы: тәүтормош. Руссаға оҡшатып яһалған терминдарҙа, тәүге һүҙе аныҡлаусы мәғәнәһен юғалтып, икеһе бергә бер атама булып киткәндә, һүҙ ҡушып яҙыла.
Тәнгәл йәки тәңгәлме, нисек яҙыла ул?
Дөрөҫ яҙылышы: тәңгәл, нигеҙ һүҙҙең эсендә -ң- менән яҙыла.
Төшөнкө тигән һүҙҙә ниндәй хәреф яҙыла, н йәки ң яҙыламы?
Дөрөҫ яҙылышы: төшөнкө, -н өнөнә бөткән нигеҙҙән —ге / -ғы, -ке/ -ҡы ялғауҙары менән яһалған һүҙ булһа, -н менән яҙыла.
Спектакль һүҙенә ниндәй ялғау ҡушыла?
Аҙағы —ль, -нь менән килһә йәки ике тартынҡы менән бөтөп, һуңғыһы йомшаҡ булһа, нәҙек ялғау ҡушыла. Дөрөҫ яҙылышы: спектаклгә, спектаклдән.