Справка
Имбирь һүҙенә ниндәй ялғау ҡушыла, ҡалынмы, нәҙекме?
Ҡалын ялғау ҡушыла һәм һүҙ аҙағындағы -ь билдәһе төшөп ҡала, мәҫәлән: имбирҙан, имбирҙы.
Инкеш һүҙе ниндәй хәреф, н йәки ң менән яҙыламы?
Дөрөҫ яҙылышы: иңкеш, нигеҙ һүҙҙең эсендә -ң менән яҙыла.
Һуңғы ваҡытта яугир һүҙенә нәҙек ялғау ҡушып яҙалар. Дөрөҫ яҙылышы нисек?
Яугир һүҙенә ҡалын ялғау ҡушыла. Һүҙҙәрҙең һуңғы ижеге -и менән килеп, унан алдағы ижеге ҡалын булһа, ҡалын ялғау ҡушыла. Мәҫәлән: яугирҙар.
Халыҡ телендә юрый, юрей, йүрей тейҙәр бит, әҙәби телдә ҡайһылай ҡулланыла?
Әҙәби телдә юрый һүҙе ҡулланыла.
Ярамһыҡланыу, ярамһаҡланыу тип тә яҙалар. Ҡайһы варианты дөрөҫ?
Дөрөҫ яҙылышы: ярамһаҡланыу.
Яланаяҡ һүҙе нисек яҙыла, айырыммы йәки ҡушылыпмы?
Дөрөҫ яҙылышы: ялан аяҡ, тәүге һүҙ аныҡлаусы мәғәнәһен һаҡлағанда йәки бер нәмәне икенсеһенән айырып килгәндә айырым яҙыла.
Юрист һүҙенә ялғау ҡушҡанда нисек яҙыла?
Юрист һүҙенә ялғау ҡушҡанда, һуңғы т төшөп ҡала, мәҫәлән: юрисҡа.