§ 20. Й – й

Й – й хәрефе түбәндәге урындарҙа яҙыла:

а) һүҙ һәм ижек башында о, ө, ү, ы, ә алдынан: йомғаҡ, йөрө, бойор, бөйөр; йүгән, йүкә, йүн, Йүрүҙән; йыл, йыйылыш, быйыл, уҡыйыҡ, кинйә, йәй, йәйәү, кейәү, йәшел;

б) һүҙ уртаһындағы ижек башында е алдынан: кейем, кейеҙ, эшләйек, кейенәм, бейейек;

Иҫкәрмә: и өнөнә бөткән төп башҡорт һүҙҙәренә ялғау ҡушҡанда е алдынан й яҙылмай: ти – тиелгән, ни – ниең, етди – етдиерәк.

в) һүҙ һәм ижек аҙағында: йәй, үрсей, көй, ай, айлыҡ, кейҙе, майҙан, быйма, уҡыйбыҙ, эшләйбеҙ;

г) ижек уртаһында: әйт, ҡайт.