§8. У – у, Ү – ү
А. У – у хәрефе ҡалын ижектәрҙә яҙыла: ур, уҙ, ут, Урал, турғай, матур, культура, тротуар, актуаль, аудитория, клуб, курс, участка
Б. Ү – ү хәрефе нәҙек ижектәрҙә яҙыла: үр, үт, бүләк, үткер, күлдәк, күл, үлән, һүҙ, күн.
В. Шул уҡ у – ү хәрефтәре һүҙ уртаһында һәм аҙағында ирен тартынҡыһын да белдерә һәм башҡорт телендәге ҡалын һүҙҙәрҙә у, нәҙек һүҙҙәрҙә ү менән бирелә:
а) ауыл, дауыл, тауар, тауыш, яуын, һыу, быу, хайуан;
б) әүен, рәүеш, әүәләү, кәүҙә, кейәү.
Г. Исем ҡылым ялғауы —ыу – -еү, -оу – -өү рәүешендә яҙыла: барыу, килеү, йонсоу, тойоу, йөрөү, йөҙөү.